Drejtori i Përgjithshëm i “Tesla” dhe kompanisë “SpeceX” Elon Musk, në rrjetin e tij social “X” thotë se së shpejti do të lançojë një produkt të ri të quajtur “Xmail” si alternativë ndaj shërbimit të përdorur gjerësisht “Gmail”.
“Po vjen”, u përgjigj Musk kur u pyet nëse ka në plan të lançojë shërbimin Xmail.
Ai nuk zbuloi detaje se kur mund të nisë shërbimi.
Komentet e tij erdhën si përgjigje ndaj një postimi në “X’s Security Engineering Program” nga Nate McGrady, i cili pyeti, “Kur bëjmë Xmail”?
Musk mori përsipër X, i njohur më parë si Twitter, në vitin 2022 dhe prezantoi ndryshime të shumta në atë rrjet social.
Sipas Forbes, Gmail aktualisht ka më shumë se 1.8 miliardë përdorues aktivë në mbarë botën, që përbën rreth 30 për qind të pjesës globale të klientëve të emaileve.
