Komisioni Shtetëror për Parandalimin e Korrupsionit u bë me përbërje të re. Kryetarja e re Tatjana Dimitrovska tha se Komisioni do të punojë në mënyrë të pavarur dhe objektive dhe nuk do të lejojë presione dhe ndikime.
Ajo shtoi se komisioni si institucion nuk mjafton për të mbrojtur shtetin nga korrupsioni, i cili sipas saj është gjenerues i shumë problemeve në shoqëri. Në këtë drejtim ajo kërkoi mbështetje nga mediat, institucionet qeveritare dhe qytetarët të cilët, sipas saj, janë të një rëndësie të veçantë për ta luftuar korrupsionin.
“KSHPK ka për detyrë për të ruajtur integritetin e shoqërisë. Si institucion do të punojmë në mënyrë të pavarur dhe objektive dhe nuk do të lejojmë asnjë presion dhe ndikim. Gjithashtu duam të them se si KSHPK në drejtim të mbrojtjes së integritetit dhe përforcimin e besimit të qytetarëve, do të hetojmë, do të kontrollojmë dhe do të zbatojmë rekomandime për ndalim të korrupsionit”, tha Dimitrovska.
