Të paktën 30 persona janë arrestuar nga policia turke në qendër të Stambollit, teksa përpiqeshin të merrnin pjesë në një Paradë Krenarie, e ndaluar nga autoritetet si pjesë e një goditjeje disa vjeçare ndaj ngjarjeve LGBTQI.
Pamjet e publikuara nga agjencia Reuters tregojnë momentet kur policia u përlesh me një grup aktivistësh që mbanin flamuj shumëngjyrësh në zemër të qytetit, përpara se t’i ndalonte dhe t’i dërgonte me furgonë policie.
Ligjvënësja Kezban Konukcu nga partia pro-kurde DEM, e cila mori pjesë në marshim, tha për Reuters se të paktën 30 aktivistë janë arrestuar gjatë ngjarjes.
Autoritetet turke prej vitesh ndalojnë organizimin e paradave të komunitetit LGBTQI, duke e justifikuar këtë me shkaqe të sigurisë publike.
