Afrim Gashi në një intervistë për Alsat-M ka folur rreth raporteve midis VMRO-DPMNE-së dhe Koalicionit VLEN.
Sipas Gashit, ky raport është midis partnerëve, nuk ka arrogancë dhe tendencë për dominim.
“Nuk bëhet fjalë për një qasje të këtillë. Për hir të vërtetës nga ajo që e kam parë unë në fillim kur e kemi formuar Koalicionin dhe derisa kam qenë unë kryetar i Alternativës dhe kam qenë njëri prej liderëve të VLEN-it, por edhe pasi jam bërë Kryetar i Parlamentit dhe kam hequr dorë nga ushtrimi i detyrës kryetar i partisë, mga informacionet që i kam, nga kolegët e mi, mendoj se raporti mes partnerëve të koalicionit është një raport vërtetë i partnerëve. Nuk ka arrogancë, nuk ka tendencë për dominim, por gjithcka bisedohet mbi tavolinë mbi bazën e argumenteve. Dhe unë mendoj se kjo është një qasje e mirë”, deklaroi Gashi.
