Borussia Dortmundi dhe Real Madridi luajtën në finalen e Ligës së Kampionëve e cila u zhvillua në Wembley të Londrës.
Pas një pjesë të parë të dominuar nga Dortmundi, madrilenët u rikthyen në lojë në pjesën e dytë duke marrë ‘frenat’ e lojës.
Dani Carvajal ishte ai që shënoi për t’i dhënë avantazhin Real Madridit në minutën e 74-të i cili realizoi për 1-0 pas asistimit të Toni Kroosit.
Real Madridi pati edhe disa mundësi të mira shënimi me anë të Eduardo Camavinga dhe Jude Bellingham, por Kobel ia mohoi golin.
Golin e dytë Real Madridi e gjeti në minutën e 82-të me anë të Vinicius Junior i cili me gjakftohtësi realizoi për 2-0 pas një gabimi nga mbrojtja gjermane.
