Kryeministri Hristian Mickoski, në debatin mbikëqyrës në Kuvend për “Alta Bankën”, publikoi një vendim të qeverisë së LSDM-së, në kohën kur kryeministër ishte Dimitar Kovaçevski, i cili kërkonte hyrjen në marrëdhënie biznesi me “Alta Bankën”. Si anëtarë të Qeverisë, siç tha Mickoski, ministra ishin gjysma e grupit aktual parlamentar të LSDM-së.
Në seancë, Mickoski tregoi një vendim zyrtar të publikuar në “Gazetën zyrtare” numër 123 të vitit 2023, me të cilin qeveria e atëhershme, e udhëhequr nga LSDM, dha pëlqimin për shitjen e aksioneve në Stopanska Banka SHA Manastir, sot Alta Banka.
“Teza ime është kjo – se në vitin 2023 Qeveria e LSDM-së dhe BDI-së mori vendim për ta detyruar Avokatin e Popullit të hyjë në komunikim me të njëjtin person Davor Macura dhe Alta Bank Serbia dhe të hyjë në marrëdhënie biznesi me Alta Bankën. Qeveria juaj, z. Venko Filipçe, dhe e BDI-së, me propozim të ministrit nga BDI-së, Fatmir Besimi, e detyron Avokatin e Popullit të hyjë në marrëdhënie biznesi me personin Davor Macura, pronar i Alta Bank Serbia, dhe të tjetërsojë aksionet në pronësi të Maqedonisë, të cilat i ka në bankën që Davor Macura po blen, gjegjësisht Alta Banka, në mënyrë që shumë kohë para se Alta Bank të vijë në Maqedoni, ju si Qeveri të vendosni marrëdhënie biznesi me atë person”, tha Mickoski.
A nuk kishte kapital rus, as para kriminale, në vitin 2023?” pyeti Mickoski.
“Kjo është kundërteza ime ndaj kundërtezës suaj se ne e lejuam, ndërsa në fakt ju e dinit shumë më herët dhe e sollët shtetin në marrëdhënie biznesi me këtë person dhe kapitalin e tij”, tha, ndër të tjera, Mickoski, duke iu përgjigjur pyetjeve të deputetëve Venko Filipçe dhe Bojan Stojanovski.
Filipçe në Seancën Mbikëqyrëse me temë “Arsyet për vendosjet e Administratës në ALTA Banka SHA Manastir, roli dhe veprimet e Bankës Popullore dhe përgjegjësia institucionale”, i kërkoi kryeministrit Mickoski të përgjigjej se çfarë i kishte thënë guvernatorit Trajko Sllaveskit kur i urdhëroi të lejonte Alta Bank të hynte në Maqedoni, ndërsa pastaj bëri një pyetje shtesë. Filipçe theksoi se Mickoski nuk mund të distancohej nga përgjegjësia për rastin Alta Bank, as të pretendonte se nuk e dinte se kush ishte, sepse për një vit tashmë, banka dhe pronari i saj Davor Macura janë diskutuar publikisht.
Stojanoski nga VMRO-DPMNE theksoi se qeveria e mëparshme e udhëhequr nga LSD-së kishte dhënë pëlqimin e saj në vitin 2023 për të shitur aksione në atë kohë Stopanska Banka SHA Manastir.
“Jemi dëshmitarë të një sërë akuzash politike nga LSD-ja dhe deputeti Venko Filipce, të cilët përpiqen t’ia atribuojnë të gjithë përgjegjësinë për ngjarjet me Alta Bank[n qeverisë aktuale. Diçka që mundëm ta dëgjonim në 120 sekondat e fundit. Megjithatë, ekziston një vendim zyrtar i publikuar në Gazetën zyrtare nr. 123 të vitit 2023, me të cilin qeveria e atëhershme e udhëhequr nga LSD-ja dha pëlqimin e saj për shitjen e aksioneve në Stopanska Banka SHA Manastir, Alta Banka e sotme. Çfarë zbulon saktësisht vendimi për veprimet e qeverisë së mëparshme, nëse është bërë një shitje mbi bazën e saj dhe si ndryshon ai nga vendimet e qeverisë aktuale në vitin 2026”, pyeti Stojanovski.
Pyetje parashtruan edhe Borislav Krmov nga E Majta, Adnan Azizi nga VLEN-i, dhe Vesna Bendevska.
