Një aksident masiv ku u përfshinë mbi 70 automjete ndodhi në një autostradë të mbuluar nga dëbora në Kolorado.
Tetë persona u plagosën, njëri prej tyre në gjendje të rëndë, i cili u dërguan në spitalet e zonës.
Për shkak të përplasjes masive, autoritetet mbyllën për një farë kohe një pjesë të autostradës, rreth 80 kilometra në perëndim të Denverit, duke rezultuar në mbingarkesë të madhe.
Shkaqet e aksidentit nuk janë njoftuar ende, megjithëse sipas dëshmitarëve, për shkak të reshjeve të borës dhe erërave, zona ishte jashtëzakonisht e rrëshqitshme.
Imazhet në internet tregojnë disa kamionë të përfshirë në përplasje, me mbeturina që shtrihen përgjatë rrugës, pjesë të përparme të automjeteve të shkatërruara dhe të paktën një automjet i përmbysur pjesërisht nga toka.
