Sipas një hulumtimi të zhvilluar në Kubë, popullsia në vend u ul me 18 për qind midis viteve 2022 dhe 2023, transmeton Anadolu.
Sipas mediave lokale, si rezultat i një studimi të pavarur të kryer në Kubë, u zbulua se popullsia e vendit u ul me 18 për qind midis viteve 2022 dhe 2023.
Duke folur për agjencinë spanjolle të lajmeve EFE, ekonomisti dhe demografi kuban Juan Carlos Albizu tha se popullsia e vendit ka rënë që nga viti 2021, veçanërisht për shkak të vështirësive ekonomike dhe faktorëve të migrimit masiv.
Albizu pohoi se vdekjet në vend ishin më shumë se lindjet dhe se popullsia në Kubë kishte rënë nën 9 milionë. Midis tetorit 2021 dhe prillit 2024, të paktën 738.680 kubanë emigruan në SHBA ilegalisht ose me mjete të tjera.
Në deklaratën e Zyrës Kombëtare të Statistikave dhe Informacionit (ONEI) më 31 dhjetor 2021, u raportua se popullsia kubane ishte 11.11 milionë njerëz.
Ekonomia e Kubës u përkeqësua ndjeshëm, veçanërisht gjatë periudhës së pandemisë, për shkak të sanksioneve të SHBA-së dhe zvogëlimit të numrit të turistëve që çoi në protesta në vend.
