Maqedonia e Veriut dhe Shqipëria kanë shtuar më së shumti kapacitete të reja për prodhimin e energjisë elektrike nga burimet e ripërtëritshme gjatë pesë viteve të fundit, ndërsa Kosova renditet dukshëm më poshtë.
Sipas të dhënave të Agjencisë Ndërkombëtare për Energjinë e Ripërtëritshme (IRENA), gjatë periudhës 2020–2025, rritja neto e kapaciteteve të instaluara ishte:
• Maqedonia e Veriut: 1,112 MW
• Shqipëria: 1,088 MW
• Serbia: 882 MW
• Bosnja dhe Hercegovina: 846 MW
• Kosova: 114 MW
Me vetëm 114 MW kapacitete të reja, Kosova mbetet dukshëm prapa vendeve të rajonit. Vendi vazhdon të mbështetet kryesisht në termocentrale të vjetra me linjit, ndërsa mungesa e prodhimit të mjaftueshëm vendor e ekspozon ndaj importeve të energjisë elektrike, sidomos në periudhat e krizave dhe konsumit të lartë.
