Shkollimi i mësimit dual gjerman është shpresë për ekonominë e vendit, por njëkohësisht përbën dhe rrezik për ikjen e të njëjtëve në vendet perëndimore për pagë më të lartë. Efektet e para janë pozitive, por për sukses të tërësishëm duhet shumë përkushtim, por mbi të gjitha nevojitet ndryshimi i mentalitetit tek të rinjtë.
“Në këtë rast bëhet fjalë për bahskëpunim të kompanive me universitetet, nënkupton që studentët do të kalojnë 2 deri në 3 ditë në kompaninë për të praktikuar atë që do ta mësojnë 2 ditë të tjera në universitet.”, – u shpreh kryetarja e Universitetit “Provadis”, Frankfurt, Ursula Biher.
Delegacioni gjerman ka realizuar takim me universitetet e vendit nga ku konkludojnë se vetëm një bashkëpunim i mirë mes universiteteve dhe kompanive mund të arrihet në rezultate perfekte.
“Të gjithë e dimë se kualiteti i shkollimit të lartë është në nivel të ulët këto vite. Mendoj se është një periudhë e rëndësishme që të investojmë për ndikim në sistemin arsimor.”, – theksoi profesori universitar, Sinisha Naumovski.
Nga 1 qershori fillon faza e 3-të e ligjit gjerman, qëllimi i së cilës është tërheqja e fuqisë punëtore që do të jetë dyfishi i kuotës së mëparshme.
“Na mungon kuadër i kualifikuar në gjermani në të gjithë sektorët, por rëndësi i është dhënë inteligjencës artificiale.”, – u shpreh Ulrih Cajtel, kryetar, Hajdelberg.
Principi i mësimit dual në Maqedoni realizohet në bashkëpunim me ambasadën gjermane që të arrihet që fuqia punëtore të ngelet në vendin tonë.
