Ali Ahmeti: Asnjëherë nuk ju kemi dëshpëruar!

Kryetari i BDI-së, Ali Ahmeti, nga tubimi qendror i Frontit Evropian në Tetovë, tha se sot është dita e dëshmorëve dhe ata janë kujtuar në të gjitha vendet, që nga Likova, Struga e Tetova.
“Sot ne jemi këtu, për të bërë porosi, për të gjithë ata, të cilët mendojnë që ky Front, kaq fort i organizuar, e i etabluar me një mision historik që vendin tonë ta anëtarësoj në BE. Asnjëherë nuk kam dalë që të them atë s’mund ta bëj. Por sot, unë jam edhe më i fort me vëllezërit e mi të Frontit, dhe kemi dhënë një betim, që ky vend vendin e ka në BE”, deklaroi Ali Ahmeti.
Ahmeti tha me 8 maj duhet të votoni për ata që e bën historinë dhe jo për ata, siç tha ai që nuk dinë dy hapa para t’i bëjnë.
“Ne asnjëherë nuk ju kemi zhgënjyer dhe dëshpëruar”, tha më tej Ahmeti.