Rreth 1.8 milionë besimtarë myslimanë sot u drejtuan drejt malit Arafat në Arabinë Saudite, në ditën kryesore të Haxhit, transmeton zyrtare.
Haxhilerët në Arafat do të kryejnë lutjet e mesditës dhe pasdites në xhaminë “Namirah”, ndërsa pas perëndimit të diellit do të vazhdojnë drejt Muzdalifah, ku do të kalojnë natën.
Ritualet e Haxhit nisën të hënën në Mina dhe do të vazhdojnë me gjuajtjen simbolike të gurëve dhe tavafin e lamtumirës në Qabe, në Mekë.
Për sezonin e Haxhit 2026, Arabia Saudite ka shtuar masat organizative dhe teknologjitë e monitorimit për menaxhimin e pelegrinëve dhe sigurinë në vendet e shenjta./ZYRTARE.net/
