Kandidimi i Nazim Taipit për kryetar komune ka shkaktuar pakënaqësi të shumta në degën e BDI-së në Tearcë.
Kryetari i nëndegës së BDI në fshatin Odër Berat Xhelili bashkë me anëtarin e degës Mevlan Ziberi kanë dhënë dorëheqje nga pozita.
“Pas shumë viteve angazhim e përpjekjesh të përbashkëta, kam vendosur të jap dorëheqjen nga detyra ime si Kryetari i nëndegës Odër BDI-së,bashkë me Anëtarin e degës z.Mevlan Ziberi për arsye personale.
Ky vendim nuk ka qenë i lehtë, sepse çdo moment i kaluar me ju ka qenë një pasuri për shpirtin dhe zemrën time.
Gjatë kësaj kohe kemi ndarë bashkë gëzime e sfida, kemi përjetuar fitore e kemi mësuar nga pengesat. Jam krenar që kam qenë pjesë e kësaj rruge dhe mirënjohës për çdo njeri që ka qenë pranë me përkrahje, besim dhe dashamirësi.
Arsyet personale më detyrojnë të tërhiqem, por kjo nuk do të thotë se ndalem së dashuri e së besuari tek ju dhe tek rruga që kemi nisur bashkë.“ – ka shkruar Xhelili në profilin e tij.
