Deputeti i VLEN-it, Adnan Azizi, ka zhvilluar një vizitë pune në fshatin Pallçisht, bashkë me zëvendëskryeministrin e parë Izet Mexhiti dhe zëvendësministren e Transportit dhe Lidhjeve, Kaltrina Zekolli.
Në fokus të vizitës ishte shqyrtimi nga afër i problemit shumëvjeçar me rrjetin e ujësjellësit – një çështje që, sipas Azizit, përbën shqetësimin kryesor të banorëve të këtij fshati të Komunës së Bogovinës.
“U garantuam se pas finalizimit të projektit, do të ndahen fonde nga qeveria dhe me ka krejt do të angazhohemi për ta çuar deri në fund realizimin e projektit”, shkroi Azizi në një postim në rrjetet sociale.
Ai shtoi se VLEN mbetet e përkushtuar për të qenë afër qytetarëve dhe për të adresuar nevojat reale të tyre, duke theksuar se zgjidhja e problemit të ujësjellësit në Pallçisht është tashmë një përparësi në agjendën qeveritare.
Kjo vizitë vjen në një moment kur qeveria e re ka shpallur si prioritet ndërhyrjet infrastrukturore në zonat rurale, ku për shumë kohë është ndier mungesa e investimeve të qëndrueshme./ZYRTARE.net
