Lama e ngordhur së fundmi është trajtuar në bashkëpunim me Fakultetin e Mjekësisë Veterinare. Gjithçka është bërë nga pikëpamja mjekësore. Një autopsi tregoi se ajo kishte tuberkuloz, një sëmundje për të cilën nuk ka shërim tek kafshët. Kështu ka bërë të ditur sot Kopshti Zoologjik i Shkupit, përmes një postimi në profilin e tyre në Facebook, në të cilin japin shpjegime për tërë procesin e trajtimit të llamës së ndjerë.
Kopshti Zoologjik i Shkupit e njoftoi këtë sot pasi Agjencia e Ushqimit dhe Veterinarisë njoftoi se aty kanë ngordhur dy lama.
“Rezultatet e autopsisë dhe PCR të kësaj lame treguan tuberkuloz, në një proces që ishte më shumë se pesë vjeç. Nuk ka asnjë kurë apo vaksinë për këtë sëmundje tek kafshët dhe shpesh kafshët e infektuara nuk shfaqin asnjë simptomë për vite me radhë. Në bashkëpunim me Agjencinë e Ushqimit dhe Veterinarisë (AUV), janë kryer analiza për tuberkuloz në të gjitha lamat. Ata janë nën mbikëqyrjen mjekësore”, thuhet në njoftimin e Kopshtit Zoologjik të Shkupit.
Dy Lama ngordhin në kopshtin zoologjik të Shkupit gjatë fundjavës. Rezultatet e analizave laboratorike nga Lama e parë që vdiq, tregojnë se ishte e sëmurë me tuberkuloz.
Agjencia e Ushqimit dhe Veterinarisë për AIM-në ka konfirmuar se të premten me kërkesë të Kopshtit Zoologjik të Shkupit është bërë kontroll i jashtëzakonshëm pas raportimit për ngordhjen e një Lame dhe një Lame tjetër të sëmurë.
“Nga Lama e ndjerë janë marrë mostra për analiza laboratorike, e cila me analiza laboratorike është vërtetuar se ka qenë e sëmurë me tuberkuloz. Janë marrë mostra nga kafsha llama e sëmurë, e cila më vonë ka ngordhur.
Rezultatet e analizave që duhet të përcaktojnë shkakun e vdekjes së kafshës së dytë nuk janë ende gati. Në fermën e Lamave në kopshtin zoologjik të Shkupit, një veteriner zyrtar ka urdhëruar masa të biosigurisë për parandalimin e përhapjes së sëmundjes dhe testimin e Lamave të mbetura në fermë”, thuhet në përgjigjen e AUV për AIM-në.
