Ecolog vazhdon traditën, sërish jep nga 1 mijë denarë vauçer për familjet në nevojë

Tradita e Ecolog për mbështetjen e njerëzve në nevojë ka vazhduar edhe këtë vit, që siç ka njoftuar Lazim Destani, do të ndahen vauçer në vlerë prej 1 mijë denarëve. Destani tha se ndihet mirë që me Ecolog-un po e vazhdojnë mbështetjen tradicionale ndaj këtyre familjeve ndërkohë tha se, duhet treguar dashuri, dhembshuri dhe kujdes për familjet në nevojë.
“Muaji i shenjtë i Ramazanit nuk është vetëm muaji i sakrificës fizike, por është dhe muaji i ndërtimit të personalitetit të qëndrueshëm, të devotshëm e të mbushur me vlera morale. Në qendër të këtyre vlerave është virtyti i solidaritetit. Le të tregojmë bujari, dhembshuri dhe kujdes për familjet në nevojë. Ndihem mirë që, falë Zotit, me Ecolog-un po e vazhdojmë mbështetjen tradicionale ndaj këtyre familjeve”, tha Destani.