Avokati i ish-ministrit Kreshnik Bekteshi, Elenko Milanov e ka vlerësuar si të pabaza dhe absurde akuzat e bëra ndaj Bekteshit, si dhe ndaj 27 personave të tjerë.
Avokati Elenko Milanov thotë se në çfarë mase janë kontrolluar dhe inspektuar objektet e hotelerisë, shihet nga kontrollet e fundit që po bëhen tani, të cilat kanë evidentuar të njëjtat mangësi në diskoteka dhe kabare.
Milanov “për “TV21” thotë se Ministria e Ekonomisë ka të njëjtat mangësi në ato objekte dhe ku do të ishte lidhja që Kreshnik Bekteshi dhe shumë nga këta persona mund të akuzoheshin si autorë të drejtpërdrejtë në lidhje me ndodhjen e këtij zjarri?
“Periudha kohore e shënuar në urdhrin specifik që është hapur dje për këtë rast nga Prokuroria është se kjo ka ndodhur që nga viti 2012 dhe është duke përfshirë datën 16 mars 2025, kur ndodhi kjo ngjarje, gjë që besoj se është ligjërisht absolutisht e paqëndrueshme dhe absurde sepse mund të ketë pjesëmarrës të drejtpërdrejtë në shkaktimin e këtij aksidenti në çfarëdo mënyre, dhe Bekteshi dhe shumë të tjerë nuk kanë dhe nuk mund të kenë asnjë pjesëmarrje të drejtpërdrejtë dhe në këtë kuptim, faj për gjithë këtë,” tha Milanov për “TV21”.
