Drejtori gjeneral i Postave, Orhan Kurtishi takon menaxherin gjeneral të Toshiba Europe, Yuji Kurisu

Me datën 27.02.2025, u zhvillua një takim i rëndësishëm mes drejtorit gjeneral të Posta e Maqedonisë së Veriut, z. Orhan Kurtishi, dhe menaxherit gjeneral të Toshiba Europe GmbH, z. Yuji Kurisu. Ky takim kishte për qëllim diskutimin dhe promovimin e makinerisë së avancuar të Toshiba, e cila do të kontribuojë në përmirësimin e proceseve të sortimit të dërgesave postare në Maqedoninë e Veriut.
Të dy palët shkëmbyen mendime dhe ide rreth mundësive që ofron kjo teknologji moderne, e cila do të ndihmojë në rritjen e efikasitetit dhe shpejtësisë së shërbimeve postare, duke kontribuar kështu në rritjen e cilësisë së shërbimit ndaj qytetarëve. Z. Kurtishi theksoi rëndësinë e modernizimit të infrastrukturës dhe teknologjisë për të përmbushur kërkesat e tregut dhe të qytetarëve në një kohë gjithnjë e më dinamike.
Gjithashtu, z. Kurisu shprehu gatishmërinë e Toshiba për të ofruar mbështetje teknike dhe trajnime për personelin e Postës së Maqedonisë së Veriut, duke siguruar një kalim të qetë dhe efikas në përdorimin e këtyre makinerive të avancuara.
Ky takim shënon një hap të rëndësishëm në forcimin e bashkëpunimit ndërkombëtar dhe në modernizimin e shërbimeve postare në Maqedoninë e Veriut. Palët diskutuan gjithashtu mundësitë për zgjerimin e bashkëpunimit në të ardhmen dhe për avancimin e teknologjive të tjera që mund të kontribuojnë në rritjen e efikasitetit dhe përmirësimin e shërbimeve postare.
Përfundimisht, ky projekt ka për qëllim të përmirësojë përvojën e përdoruesve të shërbimeve postare dhe të kontribuojë në zhvillimin e sektorit të logjistikës dhe postës në Maqedoninë e Veriut.