Qeveria federale do të njohë vetëm dy gjini, mashkull dhe femër, sipas një urdhri ekzekutiv që Presidenti Donald Trump nënshkroi të hënën, shkruan CNN, përcjell Gazeta Online Reporteri.net.
Urdhri anulon përpjekjet e administratës Biden për të zgjeruar përcaktimet e identitetit gjinor, duke përfshirë edhe pasaportat.
“Që nga sot, tani e tutje do të jetë politika zyrtare e qeverisë së Shteteve të Bashkuara që ka vetëm dy gjini, mashkull dhe femër”, tha Trump gjatë fjalimit të tij inaugurues të hënën.
E titulluar “Mbrojtja e grave nga ekstremizmi i ideologjisë gjinore dhe rivendosja e së vërtetës biologjike në qeverinë federale”, urdhri thotë se “gjinitë që nuk janë të ndryshueshme dhe janë të bazuara në realitetin themelor dhe të pakundërshtueshëm”.
Qeveria federale do të kalojë gjithashtu nga përdorimi i termit “gjini” në “seks” dhe se seksi është “klasifikimi biologjik i pandryshueshëm i një individi”, u tha gazetarëve të hënën një zyrtar i administratës Trump.
Të gjitha institucionet qeveritare do të sigurojnë që dokumentet zyrtare, duke përfshirë pasaportat, vizat dhe kartat e hyrjes globale, “të pasqyrojnë me saktësi seksin”, thuhet në urdhrin ekzekutiv.
Urdhri ekzekutiv i Trump do të çmontojë përpjekjet e administratës Biden për të qenë më gjithëpërfshirës në identifikimin gjinor të amerikanëve.
Që nga viti 2022, qytetarët amerikanë kanë qenë në gjendje të zgjedhin “X” si shenjën e tyre gjinore në pasaporta.
