Presidentja e re e Maqedonisë së Veriut, Gordana Siljanovska-Davkova, i ka kthyer presidentes së Kosovës Vjosa Osmani urimin që i ka bërë për fitimin e zgjedhjeve në presidenciale.
Davkova i shkroi homologes kosovare në gjuhën shqipe, duke i thënë se uron që të vazhdojnë bashkëpunimin edhe në të ardhmen.
“E nderuar Vjosa, më gëzoi urimi juaj i sinqertë. Jam e lumtur për faktin që gratë në rajonin tonë po bëjnë histori politike, duke qëndruar guximshëm në pozita kyçe”.
“Uroj të vazhdojmë bashkëpunimin tonë edhe në të ardhmen për të arritur përfundimisht objektivin kryesor strategjik, integrimin evropian të të gjithë rajonit, si dhe për të forcuar marrëdhëniet tona përmes një sinergjie ‘femërore’”, shkruan Siljanovska-Davkova.
