Donald Trump zotëron një koleksion të madh makinash dhe motoçikletash me vlerë më shumë se dy milionë dollarë, siç raportohet në shtypin amerikan.
Një prej tyre ishte Lamborghini Diablo VT Roadster specifik i vitit 1997 që ish-presidenti dhe miliarderi amerikan e zotëronte për pesë vjet, deri në verën e vitit 2002.
Makina është duke u shitur në ankand nga Barrett-Jackson. Siç u njoftua, pas Trump ajo u përkiste dy pronarëve të tjerë dhe ka 39,661 km në odometrin e saj.
Diablo VT Roadster u prezantua në 1995 dhe ishte versioni i hapur i Diablo VT (i cili u prezantua dy vjet më parë në 1993).
Trupi i saj është lyer me ngjyrë blu “Blu Le Mans” që ishte një porosi e veçantë për Trump. Gjithashtu, pjesa e brendshme përmban tapiceri lëkure bardh e zi në dy ngjyra, ndërsa dera e shoferit ka një etiketë “Donald Trump 1997 Diablo”.
Përveç kësaj, në pajisjet e tij, Diablo VT Roadster ka një sistem klimatizimi me tregues dixhital dhe një sistem tingulli Alpine. Nuk dihet nëse makina është paguar nga vetë Trump apo i është dhënë nga kompania italiane për qëllime promovuese.
