FC Voska Sport ka angazhuar brazilianin Andre Mensalao. Ai para dy vitesh ka luajtur për Shkëndijën. Mensalao luan në mesfushë, ndërsa gjatë karrierës së tij ka luajtur në Armeni dhe Qipro.
Postimi i plotë i FC Voksa Sport:
ZYRTARE, Mensalao emri më i ri i F.C Voska Sport
F.C Voska Sport njofton se ka arritur marrëveshje me 🇧🇷brazilianin Andre Mensalao, i cili te skuadra jonë vjen nga skuadra armene e West Armenia.
#Mensalao është një emër i njohur edhe për futbollin tonë vendor, pasi i njëjti në vitin 2022 mbronte ngjyrat e #Shkëndijës.
Ndryshe, bëhet fjalë për një mesfushor qendre, por që luan edhe në pozitën e mesfushorit ofensiv dhe mesfushorit të majtë.
Karrierën e kishte nisur në vendlindjen e tij në 🇧🇷Brazil, ndërsa aventura e tij e parë europiane ishte Armenia, aty ku edhe ka kaluar më shumë kohë, duke veshur fanellën e skuadrave të Lori Vanadzor, FC Sevan, Pyunik Yerevan dhe së fundmi West Armenia, për të cilën skuadër pjesën e parë të sezonit aktual kishte zhvilluar 17 ndeshje, duke realizuar 4 gola dhe 4 asistime.
Ai gjithashtu kishte provuar veten edhe në elitën e futbollit qipriot, duke veshur fanellën e Etnikos për gjatë vitit të kaluar.
Mirë se vjen në familjen tonë “bardheblu”, Mensalao!
