New Delhi
Të paktën tetë persona vdiqën dhe 25 të tjerë u plagosën pasi një tren pasagjerësh u godit nga një tren mallrash në pjesën londore të Indisë, transmeton Anadolu.
“Deri më tani kemi tetë viktima dhe rreth 25 janë plagosur dhe ata janë transferuar në spitalet e afërta për ndihmë mjekësore”, tha Sabyasachi De, një zyrtar i hekurudhave indiane, në lidhje me aksidentin që ndodhi në shtetin e Bengalit Perëndimor.
Ai tha se treni Kanchanjunga Express u godit nga pas nga një tren mallrash, duke shtuar: “Pse ndodhi është një pyetje që do ta mësojmë pasi të përfundojë një hetim i detajuar”.
Kryeministrja e shtetit Mamata Banerjee tha se ekipet nxituan në vend për shpëtim, rikuperim dhe ndihmë mjekësore.
Kryeministri Narendra Modi tha se aksidenti hekurudhor është trishtues.
“Ngushëllime për ata që humbën të dashurit e tyre”, shkroi ai në X, duke shtuar se ministri i Hekurudhave Ashwini Vaishnaw është rrugës për në vendin e fatkeqësisë.
