Ibrahimi: Ata: 22 vjet – miliona euro për Soravia, Ne: 120 ditë – 100 milionë euro për qytetarët

Kryetari i Alternativës, Zeqirija Ibrahimi ka shkruar se shqiptarët në RMV përballen me një trashëgimi politike që i kanë lënë gjërat të gjymtuara.
Ai shton se megjithatë, vetëm në javën që është lënë pas rreth 100 milionë euro janë ndarë për qytetarët.
“Shqiptarët në Maqedoninë e Veriut përballen me një trashëgimi politike, që i ka lënë gjërat të gjymtuara, siç janë – fjala bie – balancuesi dhe gjuha shqipe, si dhe me një opozitë që – e zënë në panik nga të palarat e të zezat që i ka kurdisur ndër vite – çdo ditë sheh ëndërr kur do të kthehet në pushtet, që ashtu të mund ta shpëtojë kokën dhe t’i vazhdojë bizneset në Soravia e në zgjerimin e kazinove.
Sidoqoftë, mos harroni se gjatë javës që e lamë pas, falë qeverisjes VLEN, rreth 100 milionë euro janë ndarë gjithsej për komuna, me ç’rast mbi 20 milionë euro janë ndarë për projekte infrastrukturore të komunave shqiptare.
Dallimi
Ata: 22 vjet – miliona euro për Soravia
Ne: 120 ditë – 100 milionë euro për qytetarët”, ka shkruar Ibrahimi.