Gashi: 35-vjetori i pavarësisë na obligon për demokraci dhe institucione më të fuqishme

1 Min. Leximi

Kryetari i Kuvendit, Afrim Gashi, ka ndarë mesazhin e tij me rastin e shënimit të 35-vjetorit të pavarësisë dhe miratimit të Kushtetutës së parë.

“Përmes një manifestimi solemn e shkencor të organizuar nga Kuvendi, Instituti i Historisë Kombëtare dhe Arkivi Shtetëror, shënuam 35-vjetorin e pavarësisë dhe të miratimit të Kushtetutës së parë.

Në fjalën time, vura në pah rëndësinë historike dhe shtetformuese të Referendumit të 8 shtatorit 1991 dhe të miratimit të Kushtetutës më 17 nëntor të po atij viti, si dy momente kyçe, përmes të cilave u institucionalizua vullneti i qytetarëve për një shtet të pavarur dhe sovran, të mbështetur në sundimin e ligjit, garantimin e lirive dhe të drejtave të njeriut, pluralizmin politik dhe orientimin euroatlantik.

Theksova gjithashtu përgjegjësinë e institucioneve, veçanërisht të Kuvendit, në kultivimin e dialogut demokratik, ndërtimin e konsensusit për çështjet strategjike dhe zbatimin e parimeve kushtetuese, duke nënvizuar se përparimi i shtetit kërkon guxim, përgjegjësi, vizion dhe institucione funksionale, me qytetarin në qendër.

Bëra thirrje që këtë 35-vjetor ta shohim si një zotim të ri për demokraci më të fuqishme, institucione më të përgjegjshme, drejtësi më të besueshme dhe bashkëjetesë më të qëndrueshme”, ka shkruar Gashi.

TOP Lajmet

Ndani këtë artikull