Një tërmet i rrallë ka goditur New Jerseyn, duke tronditur ndërtesat në qytetin e New Yorkut dhe zonat përreth.
Shërbimi Gjeologjik i Shteteve të Bashkuara tha se epiqendra e tërmetit me magnitudë 4.8 shkallësh të Rihterit ishte në veri-lindje të Stacionit Whitehouse, New Jersey.
Një takim i Këshillit të Sigurimit të OKB-së për Gazën në selinë në New York u ndërpre përkohësisht për shkak të tërmetit.
“A është ai një tërmet?”, tha përfaqësuesi i Save the Children, Janti Soeripto, i cili po fliste në atë kohë, transmeton Telegrafi.
Ndërtesat u tronditën në Brooklyn dhe Bronx, duke tronditur dyert dhe pajisjet e dollapëve, raporton bbc.
Tërmeti goditi rreth orës 10:20 me orën lokale (15:20 GMT). Nuk ka raportime për dëme të mëdha.
Përdoruesit e mediave sociale raportuan se e ndjenin tërmetin nga Philadelphia deri në New York dhe në lindje përgjatë bregut.
Ndryshe, zyrtarët e qytetit njujorkez kanë njoftuar se kanë nisur hetimet nëse ka viktima apo dëme materiale.
