Të dielën, me 9 mars, në Stamboll do të kremtohet Epopeja e UÇK-së nën manifestimin “Marsi i Jasharajve dhe Gurthemeli i shtetit të Kosovës” organizuar nga shoqata shqiptare në Turqi “Lidhja e Vëllazërisë Shqiptare në Turqi”.
Në këtë eveniment ku do të marrin pjesë një numër i madh i shqiptarëve që jetojnë në Turqi do të ketë program të pasur artistik me këngëtarë si Aida Doci, Shaqir Cërvadiku, Ansambli Shota etj.
Gjithashtu mysafirë të veçantë në këtë manifestim do të jenë djali i komandantit legjendar Adem Jashari, Lulzim Jashari, kryetari i Kuvendit të Kosovës Glauk Konjufca, ministri i Punëve të Brendshme të Kosovës Xhelal Sveçla, si dhe kryetari i Tetovës dhe i Lëvizjes BESA Bilall Kasami.
