Zëvendëskryeministri i parë, Bekim Sali, ka realizuar sot një vizitë në fshatin Koliçan i Poshtëm, ku është takuar me banorët lokalë për të diskutuar rreth projekteve aktuale dhe planeve zhvillimore për këtë vit.
“Sot ishim për vizitë në fshatin Koliçan i Poshtëm, ku u takuam me banorët dhe biseduam rreth projekteve që janë aktualisht në zhvillim në këtë zonë, si dhe për projektet e reja që planifikohen të realizohen gjatë këtij viti”, ka shkruar Sali në postimin e tij në Facebook.
Ai theksoi se mbështetja institucionale po jep rezultate konkrete në terren. “Përkrahja nga Qeveria e RMV-së po ndjehet në çdo vendbanim dhe komunë”, u shpreh zëvendëskryeministri i parë.
