Sipas Alsat, burime nga M-NAV thonë se kompania e sigurimit, e cila ka një qarkullim vjetor prej 3 milionë eurosh, është në pronësi të një partneri partiak të Ali Ahmetit.
Ndërkohë, Ministria e Punëve të Brendshme ka dorëzuar kallëzime penale në Prokurorinë Themelore të Shkupit kundër pesë personave fizikë dhe një subjekti juridik për shkelje të procedurave të prokurimit publik. Hetimet lidhen me kontratën për sigurimin fizik në 14 stacione pagesash të Ndërmarrjes Publike për Rrugët Shtetërore.
Ndër të akuzuarit janë J.B. (54) nga Kërçova, E.R. (56) nga Tetova, E.L. (61) nga Tetova, M.B. (48) nga Shkupi dhe D.Z. (39) nga Tetova, si dhe një kompani nga Kërçova.
Ish-drejtori i ndërmarrjes, Ejup Rustemi, kishte kontraktuar kompaninë “CC” për të ofruar sigurim vetëm për një ndërrim (8 orë), por paguante për tre ndërrime (24 orë).
Dokumentet e falsifikuara tregonin se sigurimi ishte aktiv 24 orë në ditë, ndërsa në realitet ai funksiononte vetëm për një ndërrim. Këto manipulime i kanë shkaktuar shtetit një dëm prej 762 mijë eurosh.
