Zëvendësministri i Ministrisë së Bujqësisë, Flakron Bexheti ka njoftuar se ka arritur që të realizoj emërimet e udhëheqësve të njësive rajonale të Ministrisë së Bujqësisë në disa komuna, duke emëruar kuadro shqiptare.
“Kam nderin dhe kënaqësinë të informoj se për ushtrues detyre si udhëheqës të njësive rajonale të Ministrisë së Bujqësisë janë emëruar:
Jeton Rustemi, Njësia Rajonale – Tetovë;
Bekim Çelebiu, Njësia Rajonale – Gostivar;
Blerta Dika, Njësia Rajonale – Dibër
Jetmir Lita, Njësia Rajonale – Strugë.
Jam i bindur se këto njësi rajonale, ashtu si të gjitha të tjerat, do të jenë në shërbim të të gjithë bujqve tanë, duke ofruar gjithë ndihmën e nevojshme profesionale”, deklaroi Bexheti. Sipas tij, udhëheqës shqiptarë ka edhe në komuna të tjerë si në Kumanovë dhe Çair dhe se së shpejti do të pasojnë emërime të kuadrove të dalluara.
Zëvendësministri Flakron Bexheti theksoi se kjo ministri është e përkushtuar të sigurojë mbështetjen e duhur për zhvillimin e sektorit bujqësor dhe të mbështesë bujqit tanë në çdo hap të veprimtarisë së tyre.(INA)
