Kryeministri i qeverisë teknike i Maqedonisë së Veriut, Talat Xhaferi, ka uruar përvjetorin e 16-të të Pavarësisë së Kosovës.
Xhaferi është shprehur me shpresë se gjeneratat e ardhshme do ta ruajnë amanetin e të rënëve për liri.
“I gëzofsh edhe shumë ditëlindje tjera në paqe, e lirë, e pavarur, e prosperuar dhe shembullore, në fqinjësi, në rajon dhe në botë! Urime qytetarëve dhe institucioneve kosovarë, me dëshirë që çdo gjeneratë e ardhshme ta ruajë me përkushtimin më të madh amanetin e të gjithëve që flijuan më të shtrenjtën për të, bashkë dhe të fortë!” ka shkruar ai në Facebook.
Xhaferi në janar ishte zgjedhur kryeministër, duke u bërë i pari shqiptar në krye të një qeverie në Maqedoninë e Veriut.
