E sido që të përfundojë Fronti Europian, nëse do të mbetet vetëm me dy ose me më tepër parti, sipas koalicionit VLEN këto bashkime nuk vijnë natyrshëm por janë për interesa personale, përcjell TV21. Fari Hiseni nga ky koalicion thotë se këtij fronti i ka hyrë frika në palcë dhe për ta humbja është e sigurt. Thonë se nuk është e logjikshme që eksponentë politikë të cilët kanë krijuar karrierë politike me narrativ anti-BDI dhe anti-PDSH, sot të ulen në një tryezë të përbashkët.
“Këto kombinime që bëhen me koalicionime të zgjeruara, me ardhjen jo të natyrshme të bashkimit të këtyre partive e dëshmon edhe një herë se frika është në palcë dhe janë të bindur se kjo humbje i pret. Nuk është e logjikshme që disa eksponentë që ndër vite kanë krijuar narative dhe janë njohur në popullatë për gjuhën anti-BDI ose anti PDSH e kështu me radhë, sot të ulen në një tryezë e të bashkëpunojnë, kjo ka të bëjë kryekëput me interesat e tyre personale”, pohoi Fari Hiseni – koalicioni VLEN .
Burimi / TV21
