Ambasadori i BE-së në Kosovë, Tomáš Szunyog, tha se BE-ja është e gatshme t`i heqë masat, por pret që Kosova të bëjë më shumë për shtensionim të situatës në veri të vendit.
Sipas tij, nuk ka afat se kur do të hiqen masat.
Ai ka folur edhe për konkluzionet e BE-së.
“Bashkimi Europian diskutoi çështjen e masave, ndaj është pjesë e diskutimit për zgjerimin në dhjetor të vitit të kaluar, konkluzionet për zgjerim u miratuan nga Këshilli i Përgjithshëm më 3 dhjetor vitin e kaluar. Ato konkluzione janë të disponueshme që t’i lexoni dhe ju mund të shihni se BE është e gatshme të heqë masat, por gjithashtu pret që Kosova të bëjë më shumë për depërshkallëzim dhe nuk ka ndonjë afat. Mendoj që politika jonë është bërë e mjaft e qartë që më datën 3 qershor kur kemi formuluar qartë atë se çka presim nga të dyja palët”, tha ai në një deklaratë për televizionin publik.
