Shkupi pasditen e sotme sërish renditet i dyti në mesin e qyteteve më të ndotura në Evropë dhe i gjashti në botë, sipas platformës “IQAir“, e cila monitoron ndotjen e ajrit në kohë reale.
Me një indeks të cilësisë së ajrit prej 162, ndotja e ajrit në Shkup aktualisht është e dëmshme për shëndetin, dhe ajri më i keq se kryeqyteti i Maqedonisë në botë është i regjistruar në Lahore në Pakistan, Nju Delhi dhe Kalkuta në Indi dhe Daka në Bangladesh.
Nga rajoni, kryeqyteti i Bosnje-Hercegovinës, Sarajeva, e cila është në vendin e parë në Evropë dhe e pesta në botë, ishte gjithashtu në 10 pozitat e para më të këqija.
Ndotja në Shkup prej vitesh është problem për të gjithë banorët e tij, pra për çdo qeveri. E derisa çdo mëngjes Shkupi zgjohet në shoqërinë e pesë qyteteve më të ndotura në botë, institucionet kompetente janë ende në pritje të rregulloreve të reja që do të rregullojnë problemin e ndotjes.
Ministrja e Mjedisit dhe Planifikimit Hapësinor, Kaja Shukova, lidhur me të dhënat alarmante për ndotjen e ajrit të këtyre ditëve, sidomos në Shkup dhe në disa qytete të tjera, tha se kjo është kryesisht për shkak të ngrohjes joekologjike në ditët e ftohta të amvisërive të shumta, por edhe pjesërisht nga institucionet. Ai tha se për masat afatgjata Qeveria do t’i ndihmojë komunat.
