Presidenti rus Vladimir Putin deklaroi se industria evropiane e automjeteve ndodhet në një krizë të thellë dhe se kompanitë në këtë sektor po mbyllen.
“Ku është industria evropiane e automjeteve? Në krizë të thellë. Ndërmarrjet po mbyllen. Së shpejti të gjithë do të vozisim makina kineze. Nëse kjo është mirë apo keq, nuk e di, por ato janë të përballueshme dhe me cilësi të lartë”, tha Putin gjatë seancës plenare të klubit të diskutimit “Valdai” në Moskë, raportoi “Kommersant”.
Putin theksoi se automjetet kineze tashmë përdoren gjerësisht në Rusi, ndërsa bashkëpunimin mes dy vendeve e cilësoi si të dobishëm për të dyja palët.
Ai shtoi se pjesëmarrja e produkteve industriale ruse në tregun kinez po rritet vazhdimisht.
