Ambasadorja amerikane në Shkup, Angela Ageler në një intervistë të fundit për TV24 është pyetur se në opinion po flitet se SHBA-të po insistojnë që koalicioni LSDM-BDI që qëndrojë bashkë edhe gjatë zgjedhjeve, por edhe për një “non-paper” që do të nënshkruhej nga partitë shqiptare ku do të thuhet se ato nuk do të koalicionojnë me parti që nuk do të mbështeste ndryshimet kushtetuese, gjatë muaj pas zgjedhjeve.
Por lidhur me këtë, ambasadorja amerikane Ageler ka thënë se nuk ka diçka të tillë, përcjell INA.
“Në këtë vend qarkullojn më së shumti thashetheme. Ka një gjë që dua ta them qartë. As unë, as ekipi im askujt nuk i themi se çfarë duhet të bëjnë. Vendimet e partive dhe të liderëve të partive, por dhe vendimet e përfaqësuesve qeveritarë janë vetëm të tyre, dhe ashtu duhet të jetë. Ne po investojmë shumë në këtë vend dhe të ardhmen e tij, por ky nuk është vendi ynë. Shpresoj që liderët e partive të marrin vendime reale që do ta drejtojnë këtë vend drejt aspiratave të tij evropiane. Presidenti Mickoski do t’ju tregojë se të njëjtën bisedë e kam pasur edhe me të. Ne do të vazhdojmë të punojmë për këtë. Se çfarë pasojash do të ketë dhe sa do të zgjasë kjo qeveri teknike, nuk do të spekuloj, por shpresoj që për qytetarët e këtij vendi dhe për hir të këtij vendi, pas 9 majit të ketë një vendim të qartë që vend të ecë përpara. Por nuk mund të spekuloj se çfarë mund të ndodhë”, theksoi ambasadorja amerikane.
Në lidhje me mesazhet e ndihmës sekretarit të shtetit të SHBA-së, James O’Brien, lidhur me zgjedhjet dhe hapat e ardhshëm, si dhe pyetjen nëse ai përmes performancave të tij përvijoi konturet e koalicionit të ardhshëm qeveritar dhe si korrespondon vizioni i tij për realitetin nëse merren parasysh presionet në gjyqësor, Ageler thotë se komentet e tij flasin vetë, veçanërisht pasi ai është një njohës i madh i vendit, i njeh dinamikat dhe sfidat rajonale.
“Ai është një nga diplomatët tanë më me përvojë dhe më të aftë, veçanërisht këtu në Ballkan. Ai kaloi shumë kohë këtu, përfshirë Maqedoninë e Veriut. Ai e kupton dinamikën këtu, i kupton sfidat rajonale. Ajo që po ndodh në këtë vend dhe në rajon është shumë e rëndësishme për të. Të theksojmë se ai është ndihmës sekretar për të gjithë Evropën. Ne ishim me fat që në muajt e fundit ai ishte këtu dy herë. Fusha e punës së tij mbulon një sërë fushash, kryesisht ngjarjet që lidhen me Rusinë dhe Ukrainën. Ai nuk fokusohet vetëm në atë që po ndodh këtu dhe nuk formulon mesazhet e tij për të gjithë Evropën, duke u përqendruar në atë se çfarë mesazhesh arrijnë tek liderët e partive këtu”, deklaroi për TV24, ambasadorja Ageler.
