Amir Shabani
Përfaqësuesi i lartë për Politikë të Jashte të BE-së, Josep Borrell i ka dhënë një mesazh të drejtpërdrejtë Vuçiqit dhe Serbisë, duke ua vënë në përzgjedhje rreshtimin pas Rusinë ose BE-në, duke deklaruar se aspiratat për anëtarësim në BE dhe lidhjet e ngushta me Moskën janë të papajtueshme dhe në kundërshtim me njëra-tjetrën. Përafrimi i vendeve të Ballkanit Perëndimor me politikën e jashtme dhe të sigurisë të BE-së nënkupton një angazhim strategjik për anëtarësimin në BE, duke nënvizuar papajtueshmërinë e mbajtjes së marrëdhënieve të ngushta me regjimin e Putinit dhe integrimin në BE.
Borrell dhe komuniteti ndërkombëtar duhet të kuptojnë se Serbia dhe qeveria e saj aktuale do të anojnë gjithmonë drejt Rusisë, pasi një qeveri e mbushur me kriminelë lufte, individë të korruptuar dhe spiunë rusë nuk mund të ketë ambicie evropiane. Serbia po përdor BE-në për fonde dhe për t’i paraqitur botës një fasadë, ndërsa në prapaskenë po planifikon një skenar të errët me Rusinë, Kinën dhe ndoshta Hungarinë.
BE-ja dhe SHBA-ja duhet ta kenë kuptuar deri më tani se serbëve, veçanërisht atyre që janë nën udhëheqjen e Vuçiqit dhe partisë së tij kriminale, nuk mund t’u besohet.
Serbia do ta ketë gjithmonë Rusinë pas saj, sepse ata ndajnë politikën kriminale, korrupsionin, origjinën dhe synimet për të shkatërruar vende të tjera, krime lufte dhe krijimin e konflikteve.
