Istanbul
Presidenti turk Recep Tayyip Erdoğan riafirmoi angazhimin e Türkiyes për t’u bërë anëtare e Bashkimit Evropian, duke e përshkruar atë si “qëllimin strategjik” të vendit, raporton Anadolu.
“Anëtarësimi i plotë në Bashkimin Evropian është qëllimi ynë strategjik. Është në interesin tonë të përbashkët që BE-ja t’i qaset Türkiyes nga një këndvështrim i ngjashëm”, tha Erdoğan në konferencën e përbashkët për shtyp me homologun e tij estonez Alar Karis në Ankara.
Türkiye aplikoi për anëtarësim në BE në vitin 1987 dhe ka qenë vend kandidat që nga viti 1999. Negociatat për anëtarësim filluan në vitin 2005, por hynë në ngërç pas vitit 2007 për shkak të problemit të Qipros dhe kundërshtimit të disa shteteve anëtare.
Duke folur për çështjet globale dhe rajonale, Erdoğan tha se masakrat në Gaza, ku Izraeli ka vrarë më shumë se 37.000 palestinezë që nga 7 tetori 2023, kërcënojnë jo vetëm stabilitetin rajonal, por edhe sigurinë globale.
Udhëheqësi turk tha se paqja e përhershme mund të arrihet vetëm përmes një zgjidhjeje me dy shtete dhe bashkësia ndërkombëtare tani duhet shfaqë peshën e vet.
Duke folur për luftën në Ukrainë, e cila filloi në shkurt 2022, Erdoğan tha se një zgjidhje e drejtë e konfliktit është e mundur përmes diplomacisë, por iniciativat që përjashtojnë Rusinë nuk do të japin rezultate.
