Tifozët e Lojërave Olimpike janë entuziazmuar për shkak të një fotografie të shenjëtarit turk Yusuf Dikec gjatë garës në pistoletë ajrore në 10 metra, në ekipet e përziera.
51-vjeçari dhe partnerja e tij, Sevval Ilayda Tarhan kanë fituar medaljen e argjendtë. Por ishte qasja e Dikecit në garë që bëri që fotografitë e tij të bëhen virale.
Dikec u bë menjëherë i famshëm dhe fotografia e tij u shpërnda në rrjete sociale pasi shihej duke garuar në mënyrë jo tipike. Shihet i relaksuar dhe jo shumë i koncentruar si qitësit e tjerë. Madje njërën dorë e mbante në xhep.
Shumica e qitësve në Lojërat Olimpike shfrytëzojnë mbrojtëse për veshë kur gjuajnë. Po ashtu mbajnë syze të specializuara që errësojnë pamjen në njërin sy, në mënyrë që mos të kenë nevojë ta mbajnë mbyllur atë.
“Turqia dërgoi një 51-vjeçar pa lente të specializuaram mbylesë për sy dhe mbrojtje veshi dhe siguroi medalje argjendi”, ka shkruar një tifoz në “X”.
“Unë njoh një ekzekutor të stërvitur kur e shoh”, ka shkruar një tjetër në shaka.
“A dërgoi Turqia ekzekutues në Lojërat Olimpike”, shkroi një tjetër.
Dikec është në Olimpiadën e pestë, ndërsa ka dështuar për pak në finale, bashkë me partneren e tij.
Fotografia e turkut u bë virale pasi fillimisht bujë bëri një fotografi e jugkoreanes Kim Ye-ji, që është quajtur personi më i “cool” në histori.
