Murtezani: KE e miratoi Agjendën Reformuese të RMV-së, vendi tani ka qasje në Fondin prej 6 miliardë euro të BE-së

Ministri për Çështje Evropiane, Orhan Murtezani, ka njoftuar se Komisioni Evropian edhe zyrtarisht e ka miratuar Agjendën Reformuese të Maqedonisë.
Sipas tij, miratimi i kësaj agjende mundëson qasje në mjetet financiare në kuadër të Fondit për Reforma dhe Rritje të BE-së.
“Lajme të shkëlqyera sot nga Brukseli. Komisioni Evropian zyrtarisht e miratoi Agjendën Reformuese të Maqedonisë së Veriut! Miratimi i kësaj agjende mundëson qasje në mjetet financiare në kuadër të Fondit për Reforma dhe Rritje të BE-së, në shumën prej 6 miliardë euro. Fondi është projektuar për të mbështetur procesin transformues të Maqedonisë së Veriut, duke siguruar që reformat jo vetëm që do të përforcojnë institucionet demokratike dhe të drejtat njerëzore, por gjithashtu do të përmirësojnë integrimin ekonomik të vendit me BE-në”, ka shkruar ministri Murtezani.