LSDM në një kumtesë për media thotë se kaos total po ndodh me transportin publik në Shkup. Nga LSDM thonë se ka vite që VMRO-DPMNE nuk ka blerë autobusë të rinj, vetëm për hir të interesave të ngushta partiake.
“Pasi dështuan marrëveshjet e tyre me Arsovskën, VMRO-DPMNE po i keqtrajton shkupjanët. Në Këshillin e Qytetit të Shkupit janë këshilltarët e VMRO-DPMNE-së që po e bllokojnë punën e qytetit, po i bllokojnë projektet që i kanë premtuar së bashku me Arsovskën, siç është blerja e autobusëve të rinj”.
“Pas fatkeqësisë që i ndodhi Shkupit me Koce Trajanovskin, Shkupi 2014 dhe blerjes së autobusëve kinezë që po rrënohen, tani VMRO-DPMNE po përgatit një fatkeqësi të re. VMRO-DPMNE me bllokada dëshiron ta shkatërrojë NTP-në, të cilës i nevojiten 50 autobusë vetëm për të funksionuar. Çmimin për këtë sjellje të VMRO-DPMNE-së e paguajnë çdo ditë qytetarët e Shkupit”, thuhet në komunikatën e LSDM.
