Ish-kandidati për kryetar të Komunës së Bërvenicës nga koalicioni VLEN, Haqim Ramadani, ka deklaruar se ndjen obligim dhe përgjegjësi për të dhënë llogari vetëm para 4 224 votuesve që e kanë mbështetur në zgjedhje, përcjell tetova1
Në një postim publik, ai ka shprehur mirënjohje të thellë për të gjithë përkrahësit, veçanërisht për mërgimtarët që, sipas tij, kanë sakrifikuar kohë dhe mjete financiare për ta mbështetur.
Postimi i plotë:
“Llogari vetëm për 4.224 votuesit – mirënjohje dhe vazhdim me më shumë forcë
Obligim dhe përgjegjësi kam t’u jap llogari vetëm 4.224 votuesve që më votuan dhe më përkrahën, në veçanti mërgimtarëve që ndanë kohën e tyre dhe harxhuan nga buxheti familjar. Për secilin prej jush jam mirënjohës përjetë.
Edhe pse arritëm rezultat të mirë si asnjëher më parë, më vjen keq që nuk arritëm të drejtojmë komunën dhe të realizojmë programin tonë për rininë, arsimin, mirëqenien e qytetarëve dhe përvojën tonë ta vëndojmë në dispozicion për projekte në të mirë të qytetarëve.
Me ka mbet peng që urimin e vjazës time që kishte pregadit i mbeti pa publiku pas humbjes tonë.
Faleminderit të gjithëve që më përkrahën dhe vazhdojnë të më përkrahin, si dhe atyre që më kritikojnë – kritikat e tyre më forcojnë për të vazhduar edhe më fuqishëm në të ardhmen”, përfundon Ramadani./tetova1.mk/
