Komuna e Tetovës ka fituar betejën kundrejt Ministrisë së Arsimit dhe Shkencës në Gjykatën Administrative, sa i përket marrjes së kompetencave për gjimnazin “Kiril Pejçinoviq”. Herën e parë, Ministri Shaqiri, Kasamit i mori kompetencat në shkurt të vitit 2022 për emërimin dhe shkarkimin e drejtorit të gjimnazit, ndërsa rreth një vit më vonë, ia mori kompetencat e përgjithshme. Komuna e Tetovës e ankimoi vendimin e MASH-it në Gjykatën Administrative. Nga komuna e Tetovës thonë se pas kthimit të kompetencave, komuna do e vazhdoj procedurën për shkarkimin e drejtoreshës Teuta Llalla, e cila, sipas komunës, ka bërë keqpërdorime.
Gjykata Administrative në aktvendimin e saj, qartazi dhe prerë ka konstatuar se Ministria e Arsimit dhe Shkencës, ka vepruar në kundërshtim me Ligjin për Arsim të Mesëm, dhe se ka marrë vendim të kundërligjshëm për heqjen e kompetencave të Bilall Kasamit, dhe se Ministria e Arsimit nuk ka vepruar fare mbi bazën e provave që do përbënin bazë për marrjen e vendimit për heqje të kompetencave për gjimnazin. Me këtë aktvendim, Gjykata Administrative ia kthen kompetencat kreut të komunës për gjimnazin. Me këtë rast ne si komunë, do ta respektojmë vendimin e Këshillit të Shkollës që është organi më i lartë vendimmarrës në këtë institucion”, tha Validin Ademi. Sektori për Arsim i komunës së Tetovës.
