Kryetari i LSDM-së, Venko Filipçe, sot ka theksuar se vetëm LSDM mund ta mposhtë VMRO-DPMNE-në dhe askush tjetër.
Në një intervistë për Fokus, ai tha se partia edhe pse përballet me një sfidë të madhe, ka qenë në një situatë të ngjashme edhe më parë, nga e cila janë kthyer më të fortë.
“Një gjë duhet të jetë e qartë për të gjitha dilemat se a do të kthehet LSDM. Vetëm LSDM mund ta mposht VMRO-DPMNE-në dhe askush tjetër. Është e vërtetë se LSDM-ja po përballet me një sfidë të madhe, por ne kemi qenë në situata të ngjashme edhe më herët, nga e cila jemi kthyer më të fortë. Do të ndodhë tani, dhe ata që shpresojnë në shpërbërjen e partisë do të zhgënjehen. Jam i sigurt se në mënyrë të qëndrueshme dhe të vazhdueshme do ta rikthejmë besimin e anëtarëve dhe qytetarëve”, tha Filipçe.
