Në Tetovë sonte është mbledhur kryesia e ASH-së, ku është diskutuar mbi zhvillimet e fundit politike në vend.
Burimet e portalit 3shi.net mësojnë se në takim, anëtarësia e partisë, ka qenë kategorikisht kundër mundësisë që ata të dalin vetëm në zgjedhjet e ardhshme lokale dhe se VLEN-i, duhet të vazhdojë bashkërisht rrugëtimin e filluar pothuajse një vit më parë.
Kryetari i ASH-së, Arben Taravari në deklaratë për media, para fillimit të takimit, tha se në tryezë janë dy opsione, njëra që ata të shkojnë me listë të veçantë për këshilltarë në zgjedhjet lokale dhe e dytë të shkohet bashkërisht si VLEN. Ai përjashtoi mundësinë që të bëhen bashkë me BDI-në.
Ashtu edhe si pritej dhe siç mëson 3shi.net, është vendosur që rrugëtimi i VLEN-it të jetë i përbashkët, gjegjësisht të synohet fitore në të gjitha komunat me shumicë shqiptare.
