Ylli portugez, Cristiano Ronaldo bëri një festë krejt të re në fitoren e madhe të Al Nassr ndaj Al Feiha në Ligën e Kampionëve të Azisë.
Ronaldo kishte marrë një lëndim që e përjashtoi atë nga një ndeshje miqësore kundër Inter Miami të Lionel Messit.
Por, ai u rikthye në aksion në ndeshjen e skuadrës së tij në Ligën e Kampionëve kundër Al Feiha të mërkurën mbrëma, duke shënuar golin e tij të parë të vitit në fitoren 1-0 të Al Nassr ndaj Al Feiha.
Në minutën e 81-të, ai luajti shkëlqyeshëm brenda zonës përpara se ta përfundonte lëvizjen me një gol të shkëlqyer në këndin e sipërm të portës.
Dhe teksa po largohej në festë, 39-vjeçari ‘zbuloi’ një festë të re.
Ronaldo bëri të njëjtin kërcim si në festën e tij ‘Siuu’, por nuk e bëri rrotullimin e tij të njohur. Në vend të kësaj, ai vendosi të dyja duart në gjoks me sy të mbyllur.
Më pas ai hodhi grushtin e tij në ajër teksa po vërshohej nga shokët e tij të gëzuar.
Goli i tij rezultoi të ishte i fitores pasi Al Nassr mundi Al Feiha me rezultat 1-0 në ndeshjen e parë të 1/16-tës së Ligës së Kampionëve të Azisë.
Ndeshja e dytë do të luhet të mërkurën e ardhshme pasi Al Nassr të luajë në Superligën e Arabisë të shtunën kundër Al Fateh.
