Bekim Sali: Filluam zyrtarisht kampanjën “Vepro tani për natyrë”

Deputeti i koalicionit VLEN, Bekim Sali, ka njoftuar se sot së bashku me zv/kryeministrin e parë Izet Mexhiti, kryetarin e komunës së Çairit, Visar Ganiu dhe zv/ministrat kanë filluar zyrtarisht kampanjën “Vepro tani për natyrë”
“Sot, bashkë me zëvendëskryeministrin e parë dhe ministrin e Mjedisit Jetësor dhe Planifikimit Hapësinor, Izet Mexhiti, kryetarin e Komunës së Çairit, Visar Ganiu, dhe zëvendësministrat në ekzekutiv, filluam zyrtarisht kampanjën “Vepro tani për natyrë”. Kjo nismë ka për qëllim të ngrejë vetëdijen kolektive për ruajtjen e ambientit. Qeveria VLEN është e përkushtuar maksimalisht në çdo segment të shoqërisë për të investuar në plane afatgjata, duke rritur standardin dhe cilësinë jetësore të qytetarëve”, ka shkruar Sali.