Bashkimi Demokratik për Integrim (BDI) shpreh shqetësim lidhur me vendimin e fundit të ministrit Ivan Stoilkoviç për të ndërprerë marrëdhënien e punës me pesë punonjës shqiptarë në Ministrinë për Marrëdhënie ndërmjet Bashkësive.
Sipas BDI-së, vendimi përbën “ka elemente të qarta të një procesi të kontestueshëm, si në aspektin procedural ashtu edhe në atë material”.
“Sipas të dhënave të paraqitura: – Procedura disiplinore është zhvilluar jashtë afateve ligjore, duke e bërë atë juridikisht të pavlefshme.
– Vendimi është marrë pa prova të mjaftueshme dhe pa përcaktim të përgjegjësisë individuale. – Ka indikacione serioze për ndërtim të mëvonshëm të argumenteve dhe justifikimeve për një vendim tashmë të marrë. – Masa e shqiptuar, ndërprerja e marrëdhënies së punës,është joproporcionale në raport me pretendimet. Këto janë indikatorë të një modeli të rrezikshëm të vendimmarrjes. Kur një ministër merr vendime të tilla: – pa respektuar afatet ligjore, – pa prova të qëndrueshme, – dhe me pasoja ekstreme për qytetarët, atëherë kemi të bëjmë me me arbitraritet. Bashkimi Demokratik për Integrim kërkon: – Publikimin e plotë të të gjitha procedurave dhe vendimeve që kanë çuar në këto largime. – Hetim institucional për respektimin e procedurave ligjore në këtë rast. – Rishqyrtim të menjëhershëm të vendimeve, në përputhje me ligjin dhe standardet e administratës publike”, thonë nga BDI.
