Sot pritet një vendim i ri i Komisionit Rregullator për Energjetikë për çmimet e shitjes me pakicë të karburanteve në Maqedoninë e Veriut.
Nga e hëna e kaluar, pas korrigjimit të parë pas luftës në Gjirin Persik, vlen lista e çmimeve që hyri në fuqi më 10 mars, sipas së cilës Eurosuper BS-95 shitet me 79,5 denarë për litër, BS-98 me 81,5 denarë, Eurodizeli me 85,5 denarë, ndërsa vaj i ekstra i lehtë me 82,5 denarë, përcjell INA.
Ndërkohë, çmimi i naftës së llojit Brent ka pësuar lëkundje pas disa ndërhyrjeve të vendeve të G7-ës, por dje arriti nivelin prej 105 dollarë për fuçi, gjë që paraqet një rritje prej mbi 40% që nga fillimi i veprimeve ushtarake.
Njëkohësisht, nafta bruto amerikane WTI tregtohet me një çmim prej rreth 99 dollarë për fuçi. Rritja e çmimeve të benzinës në SHBA prej 24% arriti mesataren prej 3,70 dollarë për galon, sipas të dhënave të Shoqatës Amerikane të Automobilave (AAA).
Komisioni Rregullator për Energjetikë i Maqedonisë po përballet me presion për korrigjimin e çmimeve të shitjes me pakicë të karburanteve. Çmimet e deritanishme, të cilat hyrën në fuqi më 10 mars 2026, janë nën ndikimin direkt të bursave botërore dhe kursit të dollarit. Duke pasur parasysh se nafta në tregjet botërore po rritet vazhdimisht, priten vendime të reja që do të pasqyrojnë kostot më të larta të furnizimit. Konsumatorët në Maqedoni po i ndjejnë tashmë efektet përmes çmimeve të Eurosuper BS-95, BS-98, Eurodizelit dhe vajit ekstra të lehtë, të cilët janë drejtpërdrejt të varur nga zhvillimet gjeopolitike globale. Ekspertët nga Rystad Energy dhe shtëpi të tjera analitike paralajmërojnë se nëse bllokada e Ngushticës së Hormuzit vazhdon, çmimi i një fuçie nafte mund të arrijë midis 150 dhe 200 dollarë.(INA)
