Propozimi i Ligjit për ndalimin e rrjeteve sociale për personat nën moshën 15 vjeç është gati për debat në parlamentin francez, i planifikuar për fillimin e vitit 2026, njoftoi Ministrja e Inteligjencës Artificiale dhe Çështjeve Dixhitale, Anne Le Enanf, raportuan sot mediat franceze.
Ndalimi do të përfshijë gjithashtu ndalimin e telefonave celularë në shkollat e mesme, raporton BFMTV.
Presidenti Emmanuel Macron, i cili e ka bërë ndalimin e rrjetave për personat nën 15 vjeç një përparësi, njoftoi gjithashtu në fillim të këtij muaji se ligji do të diskutohej që në janar.
“Me këtë ligj, ne do të mbajmë një qëndrim të vendosur dhe duam të veprojmë shpejt”, tha ministri, duke shtuar se qëllimi është që ligji të jetë në përputhje me rregulloret evropiane për shërbimet dixhitale.
Sipas saj, ekziston një nevojë urgjente për veprim, sepse është çështje e shëndetit publik.
Ligji që përcakton kufirin e moshës 15 vjeç për përdorimin e rrjeteve sociale u prezantua në korrik 2023, por nuk mundi të zbatohej për shkak të bllokadës evropiane, kujton BFMTV.
Në të njëjtën kohë, Ministri shprehu shpresën se Ligji do të miratohet para fundit të tremujorit të parë të vitit 2026.
